關於我們

“Paw You Can Eat” (“PYCE”)同天下間愛錫自己毛孩子嘅家長一樣，希望毛小朋友都健健康康、無憂無慮，每日都Happy、Healthy、Hearty！

PYCE店主媽媽最初都四圍揾唔同嘅小食俾兩隻為食豬仔，雖然見佢哋食得開心，但做家長嘅始終唔太放心：唔知啲零食點製做？有冇加防腐劑？聞落陣味怪怪嘅？食咗對健康有冇害㗎？等等等等…… 店主媽媽於是決定自己狗狗嘅零食自己做！由選料、清潔、切割、風乾、儲存都用心處理，為嘅就係俾兩隻寶貝食得開心又健康，直頭當佢哋係人仔咁錫！

見到寶貝食得津津有味，笑住等食嘅得意樣，係店主媽媽不斷嘗試製作新零食嘅動力，亦係PYCE成立嘅原因。我哋希望可以俾家長們多一個高質素嘅選擇，令毛孩能夠分享食到無添加健康小食嘅樂趣！

PYCE希望收到家長們對我哋產品嘅意見，彼此交流。我哋會虛心對待每一個意見，精益求精，盡善盡美！家長們亦可以將寶貝享用我哋產品嘅開心樣send俾我哋，等我哋感受返您哋嘅喜悅!